O Diario Oficial da Unión Europea publicou o anuncio da Consellería do Mar polo que se saca a licitación o servizo de redacción de proxectos de obra para diversas actuacións en instalacións portuarias de toda a comunidade, e que dispoñerá dun importe global de 3,1 millóns de euros. Os tipos de traballos que se contemplan son estudos marítimos, ambientais, de patrimonio, de só e estudos de alternativas, anteproxectos e proxectos construtivos.
Ata o 14 de agosto estará aberto o prazo para acceder ás bases do proceso e presentar propostas a través da plataforma de Contratos de Galicia. Na comarca esta iniciativa beneficia a nove portos: A Pobra, Aguiño, Cabo de Cruz, Muros, Palmeira, Portosín, Rianxo, Taragoña e Testal.
