O proxecto REDMAR III, desenvolto por Fundamar (Fundación para a Pesca e o Marisqueo), a OPP-3 e a Fundación Mujeres (con apoio da Fundación Biodiversidade do Goberno de España), impulsou a creación da primeira plataforma de emprego para mulleres tituladas en formación náutico-pesqueira. No proxecto participan empresas armadoras e outras entidades, publicando as súas ofertas de emprego na web www.redmar.es.
O principal obxectivo desta ferramenta é fomentar a empregabilidade das mulleres en buques de pesca, en condicións de igualdade, e xerar nexos de comunicación entre as empresas e as candidatas, establecendo unha canle de difusión de ofertas de emprego e perfís profesionais.
