Este luns, 23 de novembro de 2026, San Clemente, quedaremos nunha situación intermedia entre as altas e as baixas presións, á espera da entrada dunha nova fronte activa durante a madrugada do martes, o que deixará un día de evolución progresiva tanto na comarca de Santiago de Compostela coma nas Rías Baixas.
Durante as horas diúrnas agárdanse ceos con alternancia de nubes e claros e a posibilidade dalgún chuvasco illado e ocasional na franxa atlántica. Coa chegada da noite, as chuvias intensificaranse e iranse estendendo de oeste a leste a medida que se achegue o sistema frontal.
No referente aos termómetros, non se esperan cambios significativos nas temperaturas respecto ao domingo, agás lixeiros ascensos na metade norte da Comunidade.
Polo que respecta ao vento, soprará de compoñente sur con intensidade moderada durante a maior parte da xornada, aumentando a forte ao final do día.

O noso ma: A previsión marítima para as Rías Baixas e o litoral atlántico debuxa unha xornada na que o vento do sur irá collendo entidade a medida que avance o día, acompañando un mar de fondo moderado e un cambio na visibilidade cara á noite.
Durante a mañá e a tarde, o vento soprará de compoñente sur cunha intensidade de forza 4 a 5. O estado do mar será de forte marusía, cun mar de fondo de compoñente noroeste que deixará ondas de entre 1,5 e 2 metros, e a visibilidade manterase boa nestes dous tramos.
Xa pola noite, o vento continuará de compoñente sur mais intensificarase ata alcanzar forza 5 a 6. Manterase a forte marusía, o mar de fondo pasará a ser de compoñente oeste conservando ondas de 1,5 a 2 metros, e a visibilidade tornará a regular.




