As 12 da maña levanse rexistrados 43,8 litros/m2 na estación do Campus Sur de Santiago, 39 litros en Lesende no concello de Lousame e 38,9 litros/m2 na estación de O Fieitoso en Boiro, segundo os datos de Meteogalicia

A Dirección Xeral de Emerxencias e Interior da Xunta de Galicia mantén o Plan Especial para o risco de inundacións en Galicia (Inungal) en fase de preemerxencia, ante a previsión de fenómenos meteorolóxicos adversos por precipitacións que afectan a boa parte do territorio galego.
A activación deste nivel implica o establecemento de medidas preventivas centradas no seguimento, control e observación continua da evolución meteorolóxica e hidrolóxica, co obxectivo de anticiparse a posibles enchentes nos cursos fluviais e avaliar en tempo real calquera risco para a poboación ou os bens.
Cómpre prestar especial atención ao seguintes ríos, nos que se poden producir situacións significativas de crecida (nivel laranxa) segundo os niveis rexistrados:
- Río Caldo (Bubaces, Lobios).
- Río Baltar (Sanxenxo).
- Río Cabeiro (Redondela).
A través do Centro Integrado de Atención ás Emerxencias 112 Galicia, xa se trasladou este aviso por avenidas aos concellos e organismos implicados para que adopten as precaucións necesarias e manteñan preparados os seus medios e recursos dispoñibles.
Ante esta situación, recoméndase á p



