Rianxo será unha das sedes da quinta edición dos seminarios intensivos de defensa persoal feminina que organiza a Sección de Deportes da Deputación da Coruña. Será (novamente) unha formación con contidos e exercicios prácticos orientados á prevención, á detección de situacións de risco, á toma de decisións e á resposta ante unha posíbel agresión. O obradoiro celebrarase o 5 de decembro no Pavillón Municipal José Manuel Abuín “Chema”. Poderán participar como máximo 75 persoas. As prazas son limitadas e a inscrición pode realizarse a través da plataforma de Deportes da Deputación da Coruña.




