Martes 17, Santa Isabel, tempo cambiante en Galicia: chuvascos ocasionais polo día e precipitacións intensas cara á madrugada do mércores. A Xunta mantén activado o Plan Inungal por risco de inundacións ante o empeoramento das chuvias na noite do martes ao mércores.
Durante o martes Galicia estará baixo a influencia dunha profunda borrasca situada ó oeste de Irlanda. Unha fronte asociada achegarase na noite do martes ó mércores. Con esta situación, durante o día teremos ceos con alternancia de nubes e claros, con chuvascos ocasionais. Xa pola noite aumentará a intensidade da chuvia, será máis xeneralizada e localmente forte. As temperaturas mínimas experimentarán un lixeiro ascenso; as máximas sen cambios ou con lixeiros ascensos na metade sur. Os ventos soprarán do suroeste moderados con refachos fortes en terra, fortes no mar.

O noso mar; Vento do sudoeste á mañá e do sudoeste á tarde e á noite, forza 3 a 5 á mañá, 5 a 6 á tarde e 4 a 6 á noite. Marusía á mañá e forte marusía á tarde e á noite. Visibilidade regular á mañá e á tarde e mala á noite. Mar de fondo do noroeste á mañá e á tarde e oeste á noite, con ondas de 0.5 a 1.5 metros á mañá, 1 a 2 metros á tarde e 2.5 a 3.5 metros á noite.
Mapa dos sistemas frontais sobre a base de satélite de Galicia:

ALERTA DE AEMET PARA O MERCORES 18




