Este primeiro de novmebro, Todolos Santos, Galicia continuará baixo o dominio do anticiclón situado sobre as Illas Británicas, o que asegurará unha xornada de estabilidade xeneralizada en boa parte do territorio. O día comezará con bancos de néboa e nubes baixas en puntos do interior, mais irán disipándose a medida que avancen as horas para dar paso a ceos moi despexados na maioría das comarcas, coa única excepción do extremo norte, onde a nebulosidade persistirá.
Este panorama despexado notarase con claridade tanto nas Rías Baixas como na contorna de Santiago de Compostela. No litoral pontevedrés e a ría de Arousa gozarán de amplos períodos de sol durante toda a xornada, mentres que na capital galega as brétemas matinais darán paso a unha tarde solleira e luminosa.
No que respecta aos termómetros, as temperaturas mínimas experimentarán un lixeiro descenso, o que deixará un ambiente fresco nas primeiras horas do día, mentres que as máximas manteranse sen grandes mudanzas, roldando valores confortables nas horas centrais.(máximas de 21 a 24 graos).
O noso mar: Vento do nordés á mañá e á noite e do noroeste á tarde, forza 2 a 4 á mañá, 1 a 3 á tarde e 2 a 3 á noite. Mar ovellado. Visibilidade boa. Mar de fondo do noroeste, con ondas de 1 a 2 metros.
