Este ano 2020, o solsticio de verán no hemisferio norte ten lugar este sábado 20 de xuño, exactamente, ás 23:43 horas, tal e como indica o Observatorio Astronómico Nacional. O solsticio de verán ocorre cando o semieixe do planeta, está máis inclinado cara ao Sol no hemisferio norte.
A inclinación do eixo da Terra cara ao sol é de 23°27′. Deste xeito, segundo o calendario gregoriano, o solsticio de verán ten lugar entre o 20 e o 22 de xuño, no hemisferio norte. Con esta máxima inclinación do semieixe da Terra, o día que ten lugar o solsticio de verán é o día máis longo do ano, é dicir, con máis tempo de luz solar. Así, é o día no que o Sol sae máis pronto e ponse máis tarde. No Barbanza hoxe teremos 15 horas, 18 minutos e 22 segundos de sol.
A estación alongarase ata o 22 de setembro cando teña lugar o equinnocio de outono, 12 horas de día e doce de noite.
