O Xulgado de Primeira Instancia e Instrución de Ribeira dictou por falta de probas o sobresemento e o arquivo da querela por prevaricación administrativa presentada contra o anterior alcalde de Boiro, Juan José Dieste, a edila Beatriz Deus e a técnica municipal Josefa Campaña.
A xustiza reitera que a parte querellante , a ex asistente social Milagros Tubío á que o Concello despediu no 2015 pola comisión de posibles anomalías, non achegou máis indicio documental que as súas afirmacións.
A xuíza di que a denunciante fala de irregularidades cometidas durante o seu traballo no Concello feitos dos que non se achegou a mínima proba. Di que se fan referencias a artigos de prensa ou a presuntas informacións da opinión pública que en ningún caso poden constituír indicio penal algún. No fallo faise mención ao feito de que a querelante dirixe a súa demanda unicamente cara a tres persoas, cando a maior parte dos contratos aos que se refire aprobounos a xunta de goberno.
Afirma a xuíza que se descoñéce por que a acción penal exercitada por Milagros Tubío non se dirixe contra todos os integrantes do órgano. O ditame final da maxistrada di que non “se aprecian indicios de criminalidade dos feitos denunciados que xustifiquen a continuación do procedemento contra os investigados”.
