A Casa da Cultura Ramón Martínez López de Boiro acolle estes días a mostra 5 elementos da artista plástica Antía Brey. A exposición, que mestura pintura e fotografía-colaxe, poderá visitarse ata o vindeiro 24 de xullo.
Antía Brey é unha moza da nosa comarca, concretamente da Pobra do Caramiñal, e é artista plástica, fotógrafa, escultora, pintora e poeta. Toda a súa obra xira en torno ás emocións e á natureza. A súa exposición na Casa da Cultura de Boiro, titulada 5 elementos, mostra unha alegoría destes materiais primordiais a través da pintura e a fotografía en forma de colaxe.
Antía Brey formouse no Artisan Lounge de Miami, en Leith School of Art en Edimburgo, no Mart de Rovereto (Italia), no Keller da Tabacalera de Madrid e no Círculo de Bellas Artes. Así mesmo, traballou no Museo do Prado e no Centro de Artes de Vanguardia La Neomudéjar, ademais de estar graduada en Traballo Social.
