A alcaldesa de Ribeira, María Sampedro, acompañou hoxe aos policías locais Luis Manuel García e Carlos María Pazos na recepción dos seus distintivos de permanencia de 15 e 25 anos, respectivamente, durante o acto que tivo lugar na Academia Galega de Seguridade Pública (AGASP), na Estrada.
“É unha honra celebrar o servizo público de dous axentes ao longo de tantos anos no noso municipio. Uns profesionais exemplo de entrega e compromiso que velan pola seguridade e que, xunto aos demais corpos, fan que Ribeira sexa un lugar onde vivir con tranquilidade”, manifestou Sampedro.
