O ribeirense Centro Cultural Lustres Rivas acollerá a proxección do documental Mary Quintero. Máis de 90 anos de creatividade, que se proxectará no xoves, 15 de outubro, ás 19.30 horas, ao abeiro da programación do Outono Cultural da Deputación da Coruña.
A concelleira de Cultura, Ana Barreiro, manifestou que “continúan medrando as propostas para desfrutar da cultura durante o outono, poñendo o foco, nesta ocasión, nunha muller clave no mundo da fotografía”.
Baixo a dirección de María Ojea, esta peza audiovisual é un ensaio fílmico que percorre a dilatada traxectoria profesional de Mary Quintero. O documental destaca o seu papel como pioneira da fotografía profesional e do retrato en Galicia, sendo a primeira persoa en introducir en España o proxector de fondos e técnicas revolucionarias de retoque fotográfico en cor.
A entrada é libre e gratuíta
