O Servizo de Normalización Lingüística do Concello de Ribeira pon en marcha, co apoio da Xunta de Galicia (Secretaría Xeral da Lingua), un novo curso de introdución á lingua e á cultura galegas.
“Seguimos a traballar na formación e actividades que fomentan a aprendizaxe e o uso da nosa lingua. Xa a finais de setembro anunciamos un curso preparatorio do CELGA”, explicou a concelleira de Promoción da Lingua, Nucha Brión, xunto á normalizadora lingüística do Concello, Alicia Padín.
Segundo engadiron, trátase dunha acción formativa presencial e gratuíta dirixida ás persoas que teñen contacto co galego por primeira vez e que se
impartirá do 15 ao 30 de outubro, de luns a venres, de 09.30 a 11.30 horas, na Casa da Xuventude.
O dito programa consta de 20 horas e está deseñado para promover o emprego do galego e o coñecemento da cultura galega en distintos ámbitos da poboación e en tódolos contextos da sociedade.
No remate, outorgarase un certificado de formación de 20 horas ao alumnado que asista á clases regularmente e que supere unha proba final presencial.
As inscricións formalizaranse de xeito gratuíto no Servizo de Normalización Lingüística situado no Centro Cultural Lustres Rivas e cubrir o formulario de forma presencial antes do 14 de outubro, de luns a venres, en horario de 08.00 a 14.00 horas.
