A comunidade galega continuará baixo a influencia da inestabilidade atmosférica provocada pola presenza de aire frío en altura sobre a vertical do territorio. Esta configuración deixará un panorama dominado polos ceos anubrados durante practicamente todo o día e precipitacións en forma de chuvascos intermitentes.
As choivas poderán acadar puntualmente unha intensidade forte e non se descarta que veñan acompañadas de aparello eléctrico e saraiba en diversos puntos do mapa.
Polo que respecta aos termómetros, os valores mínimos apenas rexistrarán variacións con respecto a días pasados, mentres que as temperaturas máximas sufrirán unha caída bastante acusada, deixando un ambiente fresco ao longo de toda a xornada.(máximas de 22 graos). O vento comezará o día moi frouxo ou en calma, rolando e fixándose de compoñente oeste a medida que avance a tarde.
O noso mar: Vento variable á mañá e á noite e do sudoeste á tarde, forza 2 a 4 á mañá e 1 a 3 á tarde e á noite. Marusía á mañá e mar ovellado á tarde e á noite. Visibilidade boa á mañá e regular á tarde e á noite. Mar de fondo do noroeste, con ondas de 0.5 a 1 metros.
