O rexedor socialista formalizará unha denuncia contra a persoa á que responsabiliza do ataque, mentres o PSdeG lle amosa o seu apoio.
O alcalde de Vilagarcía de Arousa, o socialista Alberto Varela, denunciou ter sido vítima dunha «violenta agresión» na que o atacante o increpou ao berro de «rojo de mierda».
Segundo se confirmou tras o suceso, o rexedor emprenderá accións legais e denunciará formalmente a persoa á que responsabiliza dos feitos acontecidos.
A agresión provocou a inmediata reacción do PSdeG, que lle trasladou o seu respaldo pechando filas arredor do mandatario vilagarcián e expresando a súa máis firme condena ante este tipo de condutas e mostras de intolerancia ideolóxica.
