A novena edición dos Premios de Investigación Oncolóxica, Científica e Técnica Ramiro Carregal 2020 galardoou aos doutores José Ramón García Bustelo e César Serrano García polo seu labor neste campo. Nun comunicado remitido aos medios, a organización dos premios detallou que o doutor Xosé Bustelo, nacido en Iria Flavia (Padrón, A Coruña) no ano 1962, é actualmente profesor de Investigación do CSIC, vicedirector do Centro de Investigación do Cancro de Salamanca, xefe de grupo do Centro de Investigación Biomédica en Rede de Cancro ( CIBERONC) e presidente da Asociación Española de Investigación sobre o Cancro ( ASEICA).
Pola sua banda César Serrano García é oncólogo médico no Hospital Universitario Vall d’ Hebron e xefe do Grupo de Investigación Traslacional en Sarcomas do Vall d’ Hebron Instituto de Oncoloxía ( VHIO). O Grupo Español de Investigación en Sarcomas ( GEIS) propuxo a súa candidatura “pola súa traxectoria e por ser un activo membro investigador en GEIS, moi dedicado e entusiasta e con publicacións relevantes”. Licenciado en Medicina pola Universidade de Salamanca en 2005 e formado como oncólogo médico no Hospital Vall d` Hebron, en 2010 incorporouse á súa Unidade de Sarcomas. Tras 3 anos de postdoctorado en Harvard Medical School e no Dana- Farber Cancer Institute, en 2014 doutorouse en Medicina pola Universidade autónoma de Barcelona e incorporouse aos seus cargos actuais.
Os premiados recollerán o seu premio en Santiago no mes de setembro.
