A poeta nada en Boiro Charo Lopes acadou o vixésimo terceiro premio González Garcés de Poesía que convoca a Deputación da Coruña polo seu traballo “O diálogo das siamesas” presentado baixo o pseudónimo de María Dolores Oliveira
O xurado presidido pola deputada provincial de Cultura Natividade González e integrado por recoñecidas figuras da literatura galega elixiu esta peza entre as setenta e dúas propostas presentadas a esta edición
A resolución valorou a creación dunha voz poética con retranca e humor negro que afonda na dualidade así como a capacidade da autora para transcender a vivencia individual e conectar co ámbito colectivo a través dunha estrutura formal sólida
Lopes conta cunha ampla traxectoria no xornalismo e na fotografía artística ademais de ter acadado outros galardóns literarios como o Fiz Vergara Vilariño ou o Cidade de Ourense antes deste novo recoñecemento provincial.
