A Asociación de Empresarios de Ribeira puxo en marcha a campaña Volta ao Cole, que se desenvolverá do 9 ao 18 de setembro, co obxectivo de dinamizar o comercio local e premiar as compras nos establecementos asociados.
A iniciativa contará cunha ruleta de premios presencial o venres 18 de setembro, na praza do Concello, de 11.00 a 13.30 e de 17.00 a 19.30 h. Por cada tícket de compra ou consumición, poderase realizar unha tirada e optar a diferentes agasallos e vales de compra ata fin de existencias.
Tamén se sortearán 100 euros en vales de compra, repartidos en dous premios de 50 euros. Para participar será necesario rexistrar o tícket a través do código QR da campaña ou da web da asociación www.empresariosriveira.com.
Ademais, a AER colaborará coa campaña Com-Pensa da Xunta, repartindo bolsas de tea na praza do Concello o día 18 por cada tícket de compra, ata esgotar existencias.
Esta campaña está co-financiada pola Xunta de Galicia Comercio Galego.
