O vindeiro 5 de setembro, o Coliseo Noela acollerá unha gala benéfica por Venezuela organizada pola Coral Polifónica de Noia na que diferentes agrupacións musicais de Noia unirán as súas voces por unha causa solidaria. Todo o recadado coas entradas, rifas e sorteos irá integramente destinado á iniciativa Noia con Venezuela, unha proposta de axuda coas persoas damnificadas polo terremoto.
A gala dará comezo ás 19.00 horas no Coliseo Noela. Terá un prezo de 5 de euros. A billeteira abrirá ás 18.00 horas.
O Concello de Noia, que colabora na iniciativa, agradeceu á Coral Polifónica de Noia a organización desta iniciativa e a súa implicación para facela posíbel, así como a todas as agrupacións que se suman de maneira solidaria.
Ademais da venda de entradas, durante a gala realizaranse rifas e sorteos para maximizar a recadación solidaria.
Actúan a Coral Polifónica de Noia (organizadora do evento), a Banda de Música de Noia, o Coro Canta Paranoia, o Coro de Cando, o Club de Xubilados de Noia e a agrupación folclórica Os Salgueiriños.
