Esta fin de semana celébranse as festas da parroquia de San Pedro de Muro, no Porto do Son, unhas celebracións que comezaron este venres 28 de agosto cunha misa na honra do Corazón de Xesús ás 13.00 horas acompañada pola música tradicional galega do grupo de gaiteiros Trécola.
As festas proseguirán este sábado 29, día adicado a San Roque, cunha misa solemne a partir das 13.00 horas amenizada novamente pola agrupación Trécola.
O domingo 30 de agosto será a celebración do Carme, con misas ás 11.00 e ás 13.00 horas amenizadas pola Banda de Música de Lousame. Ademais, ás 12.00 horas a banda achegará a veciños e visitantes un concerto de pequeno formato no adro da igrexa de San Pedro.
