Por mor das previsións meteorolóxicas adversas destes últimos días de agosto, o Concello do Porto do Son decidiu aprazar a excursión ao Complexo Acuático de Monterrei para o xoves 3 de setembro. Dende o Concello solicitan que as persoas inscritas confirmen no correo omix@portodoson.gal ou ben no teléfono 981767589 que poden asistir na nova data. Neste momento as prazas están completas. A saída será ás 9.30 horas dende a fachada marítima do Son. O regreso está fixado para as 21.30 horas.
O Complexo Acuático de Monterrei (tamén coñecido como parque acuático de Monterrei) atópase na localidade de A Derrasa, no concello do Pereiro de Aguiar (Ourense), a uns 10 minutos da cidade de Ourense.
Este espazo lúdico e deportivo sufriu unha gran transformación e ampliación, consolidándose como o parque acuático máis moderno de Galicia grazas á estrea de novas atraccións como un río lento, tobogáns kamikaze e de tubo pechado, e unha zona multiaventura
