Ribeira inviste máis de 14.000 euros en pavimentar o aparcadoiro do IES Leliadoura.Os traballos sobre unha superficie de 650 metros cadrados culminarán co pintado das prazas antes do inicio do curso escolar.
O Concello de Ribeira iniciou as obras de pavimentación e mellora no aparcadoiro do IES Leliadoura co obxectivo de que as instalacións estean a punto para o comezo do novo curso lectivo, evitando así interferir na rutina da comunidade educativa.
A actuación dispón dun orzamento de 14.206,01 euros (IVE incluído) e está a ser executada pola empresa Nemesio Ordóñez, S.A.
Os traballos comprenden:
- Fresado e aglomerado dunha superficie total de 650 metros cadrados.
- Pintado e sinalización horizontal das prazas de estacionamento e accesos nas vindeiras datas para regular o tráfico de forma axeitada.
