As temperaturas máximas manteranse en valores moi elevados e as mínimas irán en ascenso nunha xornada marcada polo dominio das altas presións.
As Rías Baixas e a comarca de Santiago vivirán este martes 28 un día de marcado ambiente estival, baixo a influencia directa das altas presións e a entrada duna masa de aire moi cálido que deixará os ceos case completamente despexados durante boa parte da xornada.
Nas primeiras horas da mañá poderán formarse algunhas néboas illadas no interior, que se desharán rapidamente a medida que avance o día para dar paso a un sol dominante. Pola tarde, no entanto, non se descarta a entrada de brétemas costeiras ao longo da fachada atlántica, un fenómeno habitual nestas condicións de calor e estabilidade.
Polo que respecta aos termómetros, as temperaturas mínimas experimentarán un moderado ascenso, polo que a noite será máis tépida do habitual. Pola súa banda, as máximas apenas sufrirán cambios, manténdose en valores calorosos e propios da época estival en toda a área de Santiago e nas Rías Baixas.(máximas de 32 a 33 graos).
Os ventos soprarán frouxos en xeral, de compoñente oeste-noroeste, favorecendo unha suave brisa na liña de costa.
O noco mar: Vento do noroeste á mañá e á tarde e do norte á noite, forza 1 a 3 á mañá e 2 a 3 á tarde e á noite. Mar ovellado. Visibilidade regular á mañá e á tarde e mala á noite. Mar de fondo do noroeste, con ondas de 1 a 1.5 metros á mañá e 0.5 a 1 metros á tarde e á noite.
