Practicamente todos os concellos do Barbanza van habilitar este domingo pantallas xigantes para permitir a veciños e visitantes visualizar en formato grande o partido da final do Mundial Fútbol 2026 que enfrontará a España con Arxentina.
No Son
No Son a cita será ás 21:00 horas na praza de España, onde se contará cunha pantalla habilitada polo Concello.
En Noia
En Noia todo apunta a que a pantalla estará novamente habilitada diante da Casa do Concello, como aconteceu co partido previo, o que enfrontou a España con Francia.
En Outes
O Concello de Outes, en colaboración co Outes F.C., habilitará unha pantalla xigante dende as 19:00 h na praza de Galicia. Haberá animación en directo e ao final do partido Dj Juan Send continuará coa festa.
En Boiro
O Concello de Boiro contará cunha pantalla xigante na praza de Galicia o vindeiro domingo 19 de xullo para ver a final do Mundial de Fútbol que xoga en Nova York a selección española contra Arxentina, a partir das 21.00 horas.
Na Pobra
O Concello da Pobra do Caramiñal convida á veciñanza e ás persoas visitantes a vivir de forma colectiva a final da Copa do Mundo de fútbol, que poderá seguirse este domingo, 19 de xullo, nunha pantalla xigante instalada na Praza Alcalde Segundo Durán.
A cita dará comezo ás 20.00 horas e converterá este espazo nun punto de encontro para desfrutar nun ambiente festivo e aberto a todos os públicos.
En Rianxo
As Juadalupeñas Rianxo, coa colaboración do Concello, van instalar unha pantalla de gran formato para permitir a veciños e visitantes desfrutar do partido España – Arxentina deste domingo pola noite: a final do Mundial de Fútbol 2026. A actividade comezará a partir das 18:00 horas no paseo marítimo, concretamente nos Xardíns da Ribeira. Haberá barra onde se servirán bebidas e unha zona para rapaces. Tamén haberá DJ: Fagas.
En Ribeira
Ribeira volverá contar cunha pantalla de grandes dimensións para seguir a España no Mundial; selección que disputará a final contra Arxentina no domingo, 19 de xullo, ás 21.00 horas. O visionado deste partido levarase novamente á praza do Concello. Nesta ocasión, colabórase coa Real e Ilustre Cofradía da Dorna, ao ter tamén a pantalla para as carrilanas. Compártese así para ambas actividades: primeiro, as carrilanas e, posteriormente, o partido.
