O Concello de Rianxo vén de recibir unha axuda da Consellería de Presidencia, Xustiza e Deportes por importe de 33.866,45€ para levar a cabo o proxecto de remodelación da zona deportiva situada a carón do Campo de Arriba.
“Trátase dunha actuación que obedece a unha vella demanda das familias rianxeiras dada a falta deste tipo de espazos na vila”, informou o Concello.
O proxecto inclúe a creación dun circuíto de calistenia, outra demanda de moitos veciños e veciñas.
Este proxecto conta cun orzamento de 48.380,64€ e estará executado antes do remate do presente ano.
