O Campo Municipal do Conchido viviu este venres 10 de xullo unha xornada de clausura festiva e emocionante co final do XII Campus de Fútbol Juan Gómez Barreiro, organizado polo Outes C.F.
A edición de este ano pechou as súas portas “consolidándose como un referente da formación deportiva estival na comarca, alcanzando unha destacada cifra de 61 nenas e nenos inscritos”, informou o Concello de Outes.
Durante estas dúas semanas, os participantes desfrutaron de adestramentos técnicos, xogos de convivencia e aprendizaxe de valores ligados ao deporte.
Dende o Concello engadiron que o éxito do campus non tería sido posíbel “sen o traballo do equipo de 10 monitores, encargados de guiar as sesións formativas, garantir a seguridade dos pequenos e transmitir a metodoloxía do club”.
Na cerimonia de clausura deste venres deuse 10 de xullo por rematada a actividade coa entrega de diplomas individuais e un recoñecemento público ao esforzo de todos os futbolistas, contou coa presenza do alcalde Francisco Calo Abelleira e o concelleiro de Deportes, José Antonio Caamaño Lestón.
O rexedor destacou o éxito da participación no campus, e que as rapazas e rapaces desfrutaron dunha convivencia e desfrute do deporte, e agradeceu os organizadores o desenvolvemento do campus.
