A Xunta informa de que a situación causada polo episodio de calor mellora este martes xa non haberá zonas en nivel laranxa nin vermello en Galicia
A influencia anticiclónica debilítase sobre Galicia este martes, o que deixará un escenario meteorolóxico diferenciado entre as Rías Baixas e Santiago de Compostela.
- Nas Rías Baixas: Agárdase a presenza de néboas que poderán ser localmente persistentes en toda a franxa litoral. (máxima de 24-26 graos).
- En Santiago: Ao situarse cara ao interior do territorio, o ceo amosarase máis aberto en comparación coa costa. (máxima de 30 graos).
En ambas as dúas zonas, o vento sopará frouxo e de dirección variable, mentres que as temperaturas sufrirán un moderado descenso respecto a xornadas anteriores.
O noso mar: Vento do oeste á mañá e á tarde e variable á noite, forza 1 a 3 á mañá e á noite e 2 a 3 á tarde. Mar rizado á mañá e mar ovellado á tarde e á noite. Visibilidade regular á mañá e á tarde e boa á noite. Mar de fondo do norte á mañá e á tarde e noroeste á noite, con ondas de 0 a 0.5 metros á mañá e á noite e 0 a 1 metros á tarde.
