O Pazo de Goiáns (Boiro) acolle o vindeiro domingo 7 de xuño o III Recital Poético Maria Mariño. A concelleira de Cultura, María Outeiral, presentou este luns 1 de xuño a actividade xunto coa súa promotora, Anxos Castro.
Esta terceira edición do recital terá lugar en dúas sesións, unha con comezo ás 12.45 horas e outra pola tarde, con comezo ás 17.30 horas. “Este recital comezou fai 3 anos con 14 persoas e este ano somos xa 30”, confirmou Anxos Castro.
A concelleira de Cultura, María Outeiral, convidou á veciñanza a ser participe tamén deste recital que “busca achegar a poesía á xente e que homenaxea a María Mariño, moi vinculada co noso Pazo de Goiáns”.
