Corisco III foi o máis rápido na segunda xornada do Desafío Rías Baixas NB21, mentres La Gitana, Tuspi II e Bonaventure proclamaronse campións nas divisións A1, A2 e A3, respectivamente.
A etapa final, disputada con vento do norte e condicións máis favorables ca na primeira xornada, levou á frota desde a ría de Muros e Noia ata a ría de Vigo, nun traxecto no que o barco do Liceo Marítimo de Bouzas marcou o mellor tempo en real. Corisco III completou a baixada en 5 horas, 48 minutos e 55 segundos.
Na clasificación xeral, La Gitana impúxose en A1, seguida por Ziralla Primero e Fend La Bise. En A2 venceu Tuspi II, por diante de Vértigo Sailing e Grupo Puma Spaco. En A3, o ouro foi para Bonaventure, con Siradella en segunda posición e Orión no terceiro posto.
A entrega de premios celebrouse no Liceo Marítimo de Bouzas, coa asistencia de representantes da Xunta, da Real Federación Galega de Vela e dos clubes organizadores. A cita tamén serviu para repartir os trofeos Juan Piñeiro e Vepersa, ademais de varios bonos regalo.
