Este sábado 30 de maio vaise celebrar a VI edición do Roteiro Poético pola Parroquia Rural de Isorna, en Rianxo, que incluirá no seu programa, a partir das 20.00 horas no parque do Souto (Isorna), a terceira edición do recital poético O Eixido da Luz, promovido e coordinado por Xosé Agrelo Romeu (Agrelo de Isorna).
A axenda comezará ás 16.30 horas, cunha xuntanza perante a casa do poeta Faustino Rei Romero, no lugar de A Lagarteira – Isorna.
Ás 17.00 celebrarase a andaina poética até o parque do Souto, con parada “naqueles eidos onde os merlos convértense en compañeiros do poeta”.
Ás 20.00 horas iniciarase no parque do Souto o III Recital de Poesía O Eixido da Luz, que porá un micrófono aberto para as e os participantes no encontro. Cómpre formalizar a inscrición a través do móbil 611 783 760.
O guía do roteiro será Xosé Agrelo Romeu.
