Este venres 29 de maio proxectarase no Auditorio de Rianxo a curtametraxe Píllara, a última píllara das dunas, dirixida polo rianxeiro Amancio Losada Vicente con música de Aida SAco Beiroa. A cita será ás 19.30 horas na Sala Arcos Moldes do Auditorio.
Sinopse
Píllara era a última das píllaras das dunas. Despois de moitos infortunios e adversidades levaba con ela os ovos que poderían permitir que a súa especie non desaparecera para sempre do planeta. Pero para iso, Píllara tiña que atopar un lugar seguro onde aniñar, poñer os seus ovos e criar os seus polos. Non era cousa fácil. Percorreu todo o planeta preguntando a todo o que atopaba, pola terra ou polo mar, se sabían de algún sitio onde os seu poliños criar. Buscou por canto sitio había, sen descanso, sen parar. Con sol, con chuvia, con vento…
