O Parque Natural complexo dunar de Corrubedo e lagoas de Carregal e Vixán celebrará o sábado 23 de maio de 2026 unha xornada divulgativa baixo o lema “Ver para comprender: investigando a biodiversidade nos espazos protexidos de Galicia”. A actividade terá lugar no auditorio do Centro de atención a visitantes Casa da Costa, no Lugar do Vilar, en Carreira, Ribeira, entre as 10.30 e as 13.00 horas.
A programación arrincará cun primeiro bloque ás 10.30 horas titulado “Illas en equilibrio. Un proxecto LIFE para a restauración insular”. Ás 11.30 horas comezará o segundo bloque, con varias relatorios sobre aves nidificantes en Corrubedo, a recuperación de Iberodes littoralis gallaecica, os pozos con vida e biodiversidade no parque, Senecio legionensis no Xurés e a diversidade micolóxica na Serra da Enciña da Lastra.
