Unhas 350 persoas de todas as idades participaron este domingo, 17 de maio, na VII Andaina do Santo Isidro Letras Galegas, organizada polo Concello de Rois dentro da programación das festas patronais e da conmemoración do Día das Letras Galegas.
A actividade contou cun percorrido con saída e chegada no polideportivo de Urdilde, nunha xornada marcada polo bo ambiente e a elevada participación. Os distintos puntos quilométricos da ruta incluíron coplas populares recollidas por Clodio González Pérez no Cancioneiro popular do Concello de Rois, unha proposta coa que o Concello quixo unir a práctica deportiva coa divulgación da tradición oral e cultural do municipio.
As persoas participantes estaban convidadas a compartir nas redes sociais fotografías da ruta co cancelo #Roiscoasletras para participar no sorteo dunhas zapatillas de sendeirismo, unha iniciativa que permanecerá aberta ata o vindeiro 21 de maio.
O Concello agradece a colaboración de Panadería San José, Agro Esparís, Agronovo Rois, Primas Bentrón e da agrupación de Protección Civil, entidades que contribuíron ao desenvolvemento desta sétima edición da andaina.
