Durante o domingo 17, o país irá gañando pouco a pouco influencia das altas presións situadas nos Azores, o que traerá unha melloría progresiva do tempo ao longo da xornada.
Pola mañá agárdanse ceos nubrados con chuvascos illados e ocasionais, máis probables na metade norte de Galicia. Estes chiscóns remitirán co paso das horas, dando paso a tempo seco e á apertura de claros pola tarde en boa parte do territorio.
As temperaturas mínimas experimentarán un lixeiro a moderado ascenso, mentres que os valores máximos permanecerán sen demasiados cambios (18 a 20 graos). Os ventos soprarán do norte-noroeste, frouxos en xeral e moderados nas Rías Baixas especialmente durante a tarde.
En resumo: mañá máis nubrada e con algún chiscón no norte, pero melloría clara a tarde con secas e claros, especialmente en Rías Baixas e no sur (incluída Santiago).
O noso mar; Vento do nordés á mañá, do noroeste á tarde e do norte á noite, forza 2 a 3 á mañá, 3 a 5 á tarde e 3 a 4 á noite. Mar ovellado á mañá, forte marusía á tarde e marusía á noite. Visibilidade boa. Mar de fondo do noroeste, con ondas de 1 a 2 metros.
