O venres 15, San Isidro, continuaremos en Galicia baixo a influencia dunha marcada circulación de vento do norte, cunha fronte pouco activa entrando durante a madrugada. Esta situación deixará ceos con intervalos nubrados e chuvascos, máis frecuentes e intensos na metade norte do país.
Co avance da xornada, as precipitacións irán remitindo progresivamente, permitindo a apertura de claros na metade sur, mentres que os chuvascos quedarán máis restrinxidos ao terzo norte. A cota de neve situarase nas primeiras horas arredor dos 1200-1300 metros.
As temperaturas non experimentarán cambios significativos e manteranse en valores baixos para esta época do ano(16 a 19 graos). Pola súa banda, os ventos soprarán do norte, moderados en xeral, con intervalos fortes nas Rías Baixas.Galicia manterá o venres o tempo inestable con vento do norte e chuvascos no norte.
O noso mar; Vento do norte á mañá, do norte á tarde e do nordés á noite, forza 4 a 5 á mañá, 5 a 6 á tarde e 2 a 3 á noite. Forte marusía á mañá e á tarde e mar ovellado á noite. Visibilidade regular á mañá e boa á tarde e á noite. Mar de fondo do noroeste, con ondas de 0.5 a 1 metros á mañá, 0 a 1 metros á tarde e 1.5 a 2 metros á noite.
