Este sábado 16 de maio o Centro Arqueolóxico do Barbanza (Neixón, Boiro) vai acoller un obradoiro de lapiseiros prehistóricos para a rapazada. Desenvolverase en dúas quendas: ás 11.30 e ás 17.00 horas. Terá unha hora de duración.
As inscricións cómpre formalizalas a través da web do centro.
A actividade vai destinada a rapazas e rapaces de entre 6 e 14 anos. Durante a sesión a rapazada aprenderá sobre os inicios da agricultura e a gandaría e descubrirá diferentes técnicas de decoración da cerámica prehistórica. Ademais, terá a oportunidade de modelar un lapiseiro de barro, inspirándose nas decoracións características da época, para levar de recordo da actividade.
Organiza o propio Centro Arqueolóxico coa colaboración do Concello e da Deputación da Coruña.
