Esta semana proseguen os encontros veciñais e participativos convocados polo Concello de Boiro baixo o epígrafe Un café co alcalde e destinados a atender as demandas e necesidades da cidadanía. A sesión desta semana celebrarase este xoves 14 de maio ás 20.00 horas no Centro Social de Boiro.
A finalidade destas xuntanzas é que os veciños e veciñas de cada parroquia poidan poñer de manifesto as necesidades conxuntas de cada núcleo. Está previsto que se fagan dúas xuntanzas por mes para poder visitar todas as parroquias antes do verán.
Con estes encontros búscase ter un contacto máis directo coa cidadanía e dar a oportunidade aos veciños e veciñas de que trasladen as súas peticións e demandas sen necesidade de ter que desprazarse ao Concello. Estas xuntanzas pretenden servir como complemento das xuntanzas veciñais que o alcalde e demais concelleiros e concelleiras manteñen semanalmente de xeito individual.
