A inestabilidade atmosférica seguirá sendo a protagonista da xornada, que comezará cunha mañá de intervalos nubrados e algunhas chuvias. Co paso das horas, as nubes de evolución irán medrando e pola tarde agárdanse chuvascos máis xeneralizados.
Estas precipitacións poderán vir ocasionalmente acompañadas de aparato eléctrico e sarabia. As temperaturas non experimentarán cambios significativos ao longo do día.
Pola mañá soprará vento frouxo e variable, para virar a compoñente norte a partir do mediodía.
O noso mar; vento do leste á mañá, do noroeste á tarde e do nordés á noite, forza 1 a 2 á mañá, 2 a 3 á tarde e 2 a 4 á noite. Mar rizado á mañá, mar ovellado á tarde e marusía á noite. Visibilidade regular á mañá e á tarde e boa á noite. Mar de fondo do noroeste á mañá e oeste á tarde e á noite, con ondas de 0.5 a 1 metros.
