O sábado 9, estará marcado pola inestabilidade nas Rías Baixas e en Santiago, baixo a influencia das baixas presións situadas ao oeste de Portugal. Agárdanse ceos con alternancia de nubes e claros, aínda que irán aparecendo chuvascos co paso das horas.
Na zona das Rías Baixas, as precipitacións poderán rexistrarse xa desde primeiras horas, pero tenderán a ser máis frecuentes e localmente intensas pola tarde. En Santiago, a situación será semellante, con precipitacións que avanzarán de sur a norte e que mesmo poderán vir acompañadas de treboadas no tramo final do día.
As temperaturas non presentarán grandes cambios, aínda que os valores máximos poderían experimentar un lixeiro ascenso. O vento soprará do sur-sueste, con intensidade moderada en xeral.
O noco mar: vento do sueste, forza 3 a 5 á mañá e 3 a 4 á tarde e á noite. Forte marusía á mañá e marusía á tarde e á noite. Visibilidade boa á mañá e regular á tarde e á noite. Mar de fondo do noroeste á mañá e á noite e oeste á tarde, con ondas de 1 a 2 metros á mañá e á tarde e 0.5 a 1.5 metros á noite.
