A Unión Deportiva Queiruga (O Porto do Son) compartiu o cartel da súa festa do 30 de maio, a primeira edición dunha serie de celebracións deportivas, gastronómicas e culturais que se prevé longa. Será no Campo de Fútbol de Queiruga, a partir das 10.00 horas. A cita comezará cunha andaina de dúas dificultades (unha de 13 quilómetros e outra máis pequena de 8) e incluirá tamén unha xuntanza cabalar de 20 quilómetros (previa inscrición por correo electrónico ou presencialmente no Bar Constatino, incluíndose tamén o pago dunha cota de 10 euros).
Ás 14.30 horas do 30 de maio está prevista unha gran churrascada e paellada (20 euros para adultos e 12 para menores de 12 anos, con compra de tíckets anticipada no Bar Constantino), e pola tarde sobre as 17.00 horas dará comezo o bingo para maiores e máis o bingo infantil. Polo serán, sobre as 20.00 horas, haberá música con DJ Tatami, Mateo Abelleira, e DJ Yisus. Organiza a U.D. Queiruga coa colaboración do Concello do Porto do Son.
