Nas Rías Baixas e en Santiago, o día comezará con bancos de néboa en zonas do interior e vales próximos, que irán disipándose co avance da mañá. Posteriormente, predominarán os ceos con nubes altas, permitindo o paso do sol en boa parte da xornada.
Co avance da tarde, medrarán nubes de evolución que poderán deixar algún chuvasco treboento de carácter puntual, con maior probabilidade en zonas do interior da provincia de Pontevedra, aínda que sen descartar episodios illados na contorna compostelá. As temperaturas experimentarán un lixeiro ascenso, deixando un ambiente algo máis suave, especialmente nas horas centrais do día.(25 a 26 graos).
O vento soprará de compoñente nordés, moderado no terzo norte e con intervalos fortes no litoral noroeste. No resto, incluídas as Rías Baixas, manterase en xeral frouxo, sen incidencias destacables.
O noso mar: Vento do norte á mañá e do norte á tarde e á noite, forza 2 a 3 á mañá e 3 a 5 á tarde e á noite. Mar ovellado á mañá e marusía á tarde e á noite. Visibilidade boa. Mar de fondo do oeste, con ondas de 0 a 1 metros á mañá e 0.5 a 1 metros á tarde e á noite.
