Arte, xénero, lingua… son os temas recorrentes na Mesa de Creadoras. Un coloquio que organiza Teatro Airiños e que chega á súa terceira edición. Será este domingo 19 de abril ás 18:30 nas Escolas Vellas da Atalaia, en Asados (Rianxo). Este ano as convidadas serán: a muralista Xoana Almar, a escritora Baia Fernández, a música Sabela Galbán e a actriz Patricia de Lorenzo.
Airiños consolida este evento polo que xa pasaron figuras recoñecidas do panorama artístico galego como Ses, Mercedes Peón ou Elena Ferro. Un acto no que ademais a compañía teatral máis antiga de Galiza sempre inclúe artistas locais.
Veladas de Primavera
A Mesa de creadoras forma parte das Veladas de Primavera. Unha seria de actos culturais que organiza a compañía teatral na súa parroquia. Este ano as demais datas serán o Trivial Cabareteiro o 2 de maio, a mostra da Escola de Teatro Airiños o 4 de xuño e un concerto do cuarteto deBiselas.
Teatro Airiños organiza esta programación grazas á colaboración do Concello de Rianxo e a Deputación da Coruña.
