O alcalde de Rianxo, Julián Bustelo, confirmou esta semana a recepción do proxecto técnico para a renovación completa do alumeado público na vila. O proxecto, que será licitado en grave, abrangue a substitución integral das luminarias das diferentes rúas de Rianxo e permitirá mellorar de xeito moi notábel a iluminación da localidade acadando ao mesmo tempo un aforro de aproximadamente 50.000 euros ano ano.
O rexedor tamén salientou os beneficios desta iniciativa en materia de seguridade para exemplificalo fixo saber que “unha das zonas nas que se actuará será no acceso á vila dende a Carballeira, onde serán substituídas as luminarias alí existentes na actualidade, as cales mesmo dificultan a visión dos condutores nos días de choiva”.
O Concello de Rianxo pode levar a cabo esta importante actuación dado que foi un dos 68 municipios de todo o Estado adxudicatarios dunha axuda no marco da segunda convocatoria do programa de axudas para proxectos singulares de renovación das instalacións de alumeado exterior municipal do IDAE depente do Ministerio para a Transición Ecolóxica e o Reto Demográfico. A Rianxo fóronlle adxudicados 547.364,30 euros.
