O Concello do Porto do Son confirmou estes días que a XXIX Xuntanza de Confraternidade de Porto do Son vaise celebrar coincidindo coa festa do 1 de maio, que este ano 2026 cadra en venres. A xuntanza sonense dos maiores dará comezo ao mediodía, ás 12.00 horas diante da Igrexa da San Vicente de Noal para asistir a unha misa cantada polo Coro DoSon. Logo, ás 14.00 horas, haberá un xantar na carpa situada na zona portuaria de Porto do Son.
O xantar será de balde e para facilitar ao máximo os desprazamentos haberá servizo de autobuses.
As persoas interesadas en acudir deben confirmar a súa asistencia de xeito presencial no Servizo de Benestar Social do Concello entre o 13 e o 23 de abril, presentando o DNI orixinal. Poden solicitar máis información no 981 86 74 14 (de 9:00 a 13:00 horas).
