20190715. O voceiro do grupo municipal ribeirense do PSdeG-PSOE, José Manuel Vilas Álvarez, mantivo unha reunión con veciños e veciñas usuarios da Casa do Mar de Corrubedo, así como do parque infantil situado nas inmediacións.
A veciñanza referiulle ao edil socialista a necesidade de instalar dous farois dotados de luz led, un a cada lado do recinto infantil, co obxectivo de iluminar adecuadamente os xogos distribuídos nesta área recreativa, xa que referiron que as luces emprazadas nas rúas do entorno non realizan adecuadamente esta función ao non chegar con intensidade suficiente.
Así mesmo, advertiron que tanto na zona do parque de xogos coma a terraza adxacente conteñen maleza que é preciso limpar e erradicar.
Deste xeito, Vilas manifestou que lle trasladou ambas demandas ao Executivo do Concello, recibindo mostras de que resulta viable a súa execución.
