O Concello de Noia impulsou esta tempada unha actividade de formación de monitorado de ocio e tempo libre: un curso homologado pensado para todas aquelas persoas que queiran formarse e traballar no ámbito do tempo de lecer, adquirindo habilidades prácticas e coñecementos clave. O curso conta con 100 horas de formación e prácticas profesionais, ofrecendo. unha preparación completa para desenvolver actividades educativas, culturais e de lecer. O curso desenvolverase entre o 2 de maio e o 5 de xuño co seguinte horario:
Venres: 16:00 – 21:00
Sábados: 09:00 – 14:00 e 15:00 – 20:00
Domingos: 09:00 – 14:00
As inscricións poden facerse do 2 ao 20 de abril no documento habilitado e as prazas serán limitadas. O custe da actividade é de 150 euros. As sesións levaranse a cabo no Concello de Noia e no Edificio Casino. Máis información. no número de teléfono 981 84 21 00.
