Rías Baixas e Santiago gozarán dun domingo estable baixo influencia anticiclónica

28 Marzo 2026

O tempo deste domingo estará marcado pola influencia anticiclónica e a circulación de ventos do nordés, deixando unha xornada en xeral estable tanto en Rías Baixas como en Santiago de Compostela.

Agárdanse ceos pouco nubrados ou despexados na maior parte do territorio, aínda que poderán aparecer intervalos de nubes altas ao longo do día. Ademais, nas primeiras e derradeiras horas da xornada non se descarta a presenza de nubes baixas, especialmente no terzo norte.

As temperaturas experimentarán un lixeiro descenso, mantendo valores suaves para esta época do ano.(Máximas 15 a 18 graos).

En canto ao vento, soprará de compoñente nordés con intensidade moderada, podendo rexistrarse refachos fortes no litoral atlántico, o que se deixará notar especialmente nas zonas costeiras das Rías Baixas.

meteogalicia

O noso mar; Vento do nordés á mañá, do norte á tarde e do nordés á noite, forza 3 a 5 á mañá e 4 a 6 á tarde e á noite. Marusía á mañá e forte marusía á tarde e á noite. Visibilidade boa. Mar de fondo do noroeste, con ondas de 1.5 a 2.5 metros á mañá, 1 a 2 metros á tarde e 2 a 2.5 metros á noite.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.