A Asociación de Empresarios de Ribeira (AER) informa do lanzamento dun novo servizo gratuíto exclusivo para os seus asociados: unha plataforma web de rexistro horario deseñada para facilitar o cumprimento normativo e avanzar no proceso de dixitalización empresarial.
O sistema de rexistro horario permitirá ás empresas documentar diariamente a hora de inicio e finalización da xornada de cada traballador, garantindo un control preciso, seguro e accesíbel da información, conforme á normativa vixente.
As firmas asociadas interesadas en recibir máis información sobre este novo servizo poden poñerse en contacto directamente coa Asociación (a través do teléfono 981 873 719 ou da conta de correo correo@empresariosriveira.com).
Este servizo ofrécese grazas ao convenio de colaboración con Qbit Dynamics, empresa local, con sede na rúa Rosalía de Castro, especializada en solucións tecnolóxicas: no desenvolvemento, comercialización e mantemento de software e aplicacións informáticas.
