Comezou a conta atrás para o XToSín Trail 2026, unha das grandes probas deportivas da tempada no concello de Porto do Son e no Barbanza. Coincidindo con esta conta atrás, a organización lembrou a apertura das inscricións: xa podemos anotarnos en calquera das modalidades ofrecidas, o Trail de 21K, o Trail de 15K e máis a Andaina de 15K.
Será, en palabras da organización, unha xornada de praias e bosques, mar e monte, sendeiros e camiños, “todo preparado para facernos desfrutar nun entorno único e máxico”.
Toda a información e a posibilidade de inscribirse en www.trailseries.run.
A cita será o 22 de febreiro.
Como dixemos, as persoas participantes poderán escoller entre dúas distancias: o trail longo de 21K e un desnivel de 980 metros ou o curto de 15K, cun desnivel de 750 metros. Ademais, tamén se realizará unha andaina de 15 quilómetros de percorrido.
Organizan Arousa Neo, Sachacamiños e o Concello de Porto do Son.
A saída será o porto pesqueiro de Portosín.
Para quen non o saiba o trail (ou trail running) é un deporte que consiste en correr por carreiros de montaña, pegadas, rastros ou camiños secundarios, a través de montañas, cerros e montes, cruzando arroios e ríos, con grandes subidas e abruptas baixadas, a diferenza do que ocorre nos maratóns e o sendeirismo.
