Este venres, 23 de xaneiro, ás 19,00 horas, unha exposición sobre memoria, cultura e país abrirá un programa de actos cos que a Agrupación Cultural Alexandre Bóveda da Coruña, conmemorará os seus primeiros 50 anos de vida. É este un colectivo de persoas “comprometidas coa lingua e a cultura do país que traballa desde o asociacionismo cultural de base” e que neste medio século de vida deixou na nosa Terra a pegada da súa entrega a unha concepción máis fonda do que podía ser no tempo da súa fundación sentirse galego.
O prioritario para esta agrupación cultural desde 1976, ano da súa fundación, está baseado na promoción e defensa da lingua e da cultura galegas mediante actividades culturais que van desde o teatro á música, pasando pola defensa dos dereitos da muller, o nacemento e a repercusión das Irmandades da Fala, do patrimonio toponímico galego, a interacción da lingua cos avances tecnolóxicos, o cine, a política, a literatura, etc., que levan a un proxecto que é desafío desde que o xornalista, escritor e poeta galego Manuel Rivas, referíndose á Coruña literaria, dixo que “estamos a falar dunha cidade que xa é literaria”.
A Agrupación Cultural Alexandre Bóveda foi a remuda dun compromiso tempo atrás asumido por outra entidade semellante: O Facho, fundada en 1963 e que foi todo un símbolo de resistencia cultural e política, organizando cursos de língua galega (promovidos por Leandrio Carré Alvarellos), grupos de teatro (dirixudis olor Manuel Lourenzo e Francisco Pillado) e concursos literarios como o de literatura infantil e xuvenil que premiou en 1968 e Carlos Casares por “A galiña azul”.
Doou a súa biblioteca e arquivo á Real Academia Galega en 2012.
Actualmente é a A.C. Alexadre Bóveda quen asume aquela defensa que o franquismo nunca quixo permitir a O Facho.
